Kurengera Uburenganzira bwa Muntu

Inshingano zihariye za Komisiyo ku bijyanye no kurengera uburenganzira bwa Muntu.

Ku bijyanye no kurengera uburenganzira bwa Muntu, Komisiyo ifite inshingano zihariye zikurikira:

- Kugenzura iyubahirizwa ry’uburenganzira bwa muntu, by’umwihariko iyubahirizwa ry’uburenganzira bw’umwana, ubw’umugore, ubw’abantu bafite ubumuga, ubw’abafite ubwandu bw’agakoko gatera SIDA, ubw’impunzi, ubw’abakozi b’abimukira n’imiryango yabo n’ubw’abageze mu zabukuru;

- Kwakira, gusuzuma no gukora iperereza ku birego bijyanye n’ihungabanywa ry’uburenganzira bwa Muntu;

- Gusuzuma ihungabanywa ry’uburenganzira bwa muntu rishobora gukorwa n’inzego za Leta cyangwa rikozwe n’inzego z’abikorera, amashyirahamwe, imiryango itari iya Leta, abantu bitwaza ububasha bwabo, itsinda ry’abantu cyangwa umuntu ku giti cye;

- Gusura ahafungiye abantu hagamijwe kugenzura ko uburenganzira bwabo bwubahirizwa no gusaba inzego zibishinzwe gukemura ibibazo by'ihohotera ry'uburenganzira bw'abantu bafunzwe byagaragaye;

- Kugenzura iyubahirizwa ry’uburenganzira bwa muntu mu matora no gushyikiriza raporo inzego zibishinzwe.